Video
Read full review
2019-11-17
1888 views
今日參加左一個亂世中嘅婚禮，選擇咗午宴形式舉行，我係第一次體驗，原來午宴嘅餸菜同夜晚都係一樣，只係散席之後行出街仍然係陽光普照有啲奇怪囉。地點響尖沙咀本身諗住搭巴士返屋企，點知因為近期發生嘅社會事件導致有啲巴士停駛左，於是我就決定慢慢由尖沙咀行到去佐敦或者油麻地睇下有冇其他車搭啦，就響呢個時候男朋友竟然話可以嚟車我返去，開心死喇 ，仲提議不如去佐敦附近嘅color brown 飲杯咖啡先， 我梗係唔會say no啦!由於先到先等 ,我自己就買杯咖啡嘆住先,因為每次都係飲honey ginger,今次決定搞搞新意思試吓其他人都推介嘅latte , 都係舒服嘅,唔會太苦澀， 到男朋友差唔多到就叫我幫佢order honey Ginger Latte 同埋必食嘅豬手麵, 因為我果餐飲宴實在食到我太飽啦，竟然對豬手麵完全不感興趣，不過響男朋友嘅誘惑底下我都忍唔住食咗一件豬手同埋一啖麵。豬手煎到金黃色 ，成間咖啡店充斥住豬手味，出前一丁又係我最鍾意既硬度，可能因為呢度係另外俾一包出前一丁麻油你自己落，所以特別唔會覺得俾人呃。差唔多食完晒男朋友再提議叫多件cake食（只係單憑外表覺得應該會好食）終
地點響尖沙咀本身諗住搭巴士返屋企，點知因為近期發生嘅社會事件導致有啲巴士停駛左，於是我就決定慢慢由尖沙咀行到去佐敦或者油麻地睇下有冇其他車搭啦，就響呢個時候男朋友竟然話可以嚟車我返去，開心死喇 ，仲提議不如去佐敦附近嘅color brown 飲杯咖啡先， 我梗係唔會say no啦!
由於先到先等 ,我自己就買杯咖啡嘆住先,因為每次都係飲honey ginger,今次決定搞搞新意思試吓其他人都推介嘅latte , 都係舒服嘅,唔會太苦澀， 到男朋友差唔多到就叫我幫佢order honey Ginger Latte 同埋必食嘅豬手麵, 因為我果餐飲宴實在食到我太飽啦，竟然對豬手麵完全不感興趣，不過響男朋友嘅誘惑底下我都忍唔住食咗一件豬手同埋一啖麵。豬手煎到金黃色 ，成間咖啡店充斥住豬手味，出前一丁又係我最鍾意既硬度，可能因為呢度係另外俾一包出前一丁麻油你自己落，所以特別唔會覺得俾人呃。差唔多食完晒男朋友再提議叫多件cake食（只係單憑外表覺得應該會好食）終於有少少中咗伏。
Passion Fruit Mango chocolate cake - 其實我覺得上面嗰層passion fruit mango mousse 酸酸的反而好食啲，下面果層Chocolate太過漏，好似同上面嗰層有啲唔係好夾，但係我男朋友又反而話上面嗰層太酸所以我哋就決定每人負責一層，不過最尾佢都係頂唔順太漏食唔到落去。
Passion Fruit Mango Chocolate Cake
49 views
0 likes
0 comments
豬手麵 /Honay Ginger Latte
71 views
1 likes
0 comments
Latte
$38
36 views
1 likes
0 comments
Post
