丸·茶手作 (Closed)

同朋友響廟街睇跌打，睇完有少少肚餓同口渴就去搵嘢飲, 經過見到一間丸茶手作見到佢哋現成做珍珠非常吸引所以買杯嚟飲.佢個牌有一些新品上市嘅特色飲品, 例如有芒果芋頭百香果等等嘅特飲. 我點左瘋芒畢露, 用上一啲好香濃嘅芒果加上一啲碎冰攪起變成軟綿綿嘅芒果冰沙上面溝咗一啲超級濃嘅奶泡, 有啲似好輕嘅芝士層, 解渴之園仲有飽足感~另外一杯叫咗抹茶拿鐵加黑糖珍珠, 抹茶拿鐵充滿奶香味, 抹茶味道剛剛好唔會太濃或太淡, 而且唔甜, 不過如果熱啲就好喇. 黑糖珍珠夠曬煙韌, 一粒粒唔會黏在一起亦唔會槊住個口.地點尚算方便, 味道都幾合意，珍珠見住佢整出嚟好夠新鮮, 唔會太化學！下次去覆診都可以呢飲番杯!