兩草 (Closed)

之前上網見有人介紹過呢間，咁岩呢日又係附近，於是就來試下。排隊等左5分鐘左右就有位，室內裝修以懷舊為主，地方有d逼，座位不太多，以幾張大圓台為主，所以入面座位都係以搭台形式居多。野食方面就叫左佢地既香煎脆邊蛋肉餅飯。細細碗，望落好似吾多夠飽，但食落都幾多飯，女仔食就可能岩岩好夠飽。 隻蛋煎得幾靚，蛋黃係半熟金黃色的，再加上灑到成碗都係既蔥粒，視覺上已夠搶眼。肉餅的餅邊的確係有少少脆，口感上確實吾錯的，但味道吾算特別，而且有點淡，要另外落豉油。整體來講，係比普普通通之上，好食之下的平民價食店。