Video
Read full review
2019-02-25
59 views
今日lunch忽然想食印度菜，見openrice呢間食評都ok,於是就試下。入到餐廳環境都幾乾淨，仲有分室內同室外用餐。我地一坐低就睇Menu,餐牌都幾多嘢食，有小食類，鐵板燒，有飯，有煎餅，真係花多眼亂。好彩餐牌有齊中英文，唔使估估下。我地都諗咗一陣先落order, 之後仲傾加多樣餸，個waiter全程企係度等我地，完全冇詐型，服務態度都算幾好。佢地全部侍應都係印度人，令到餐廳更有印度風味。朋友叫咗Devil Potato (魔鬼辣薯仔)，裡面有紅辣椒碎同印度香料拌薯仔粒，唔算太辣，就算平時唔食得辣嘅朋友都接受到，d薯仔幾入味幾香，唔配烤餅一齊食都一樣好味。另一個朋友叫咗Kara Dora（卡拉薄餅），裡面釀左香料，洋蔥，薯仔同辣椒。賣相都OK，而且則邊配咗4款醬，其中兩款係咖哩，一款帶辣，一款帶酸，帶酸嘅好開胃，個餅薄身又香脆。我就叫咗Paneer Biryani （印度芝士炒飯），裡面有茅屋芝士粒同印度香料。印度d米好幼身同長，同我地平時食開d米唔同，都幾特別。但香料味蓋過咗芝士味，鐘意濃味芝士嘅朋友可能揀其他款炒飯會好d。香料味好重，啱啱開始一兩啖唔係好辣，但後勁凌厲，越食越惹
朋友叫咗Devil Potato (魔鬼辣薯仔)，
裡面有紅辣椒碎同印度香料拌薯仔粒，唔算太辣，就算平時唔食得辣嘅朋友都接受到，d薯仔幾入味幾香，唔配烤餅一齊食都一樣好味。
另一個朋友叫咗Kara Dora（卡拉薄餅），裡面釀左香料，洋蔥，薯仔同辣椒。賣相都OK，而且則邊配咗4款醬，其中兩款係咖哩，一款帶辣，一款帶酸，帶酸嘅好開胃，個餅薄身又香脆。
我就叫咗Paneer Biryani （印度芝士炒飯），裡面有茅屋芝士粒同印度香料。印度d米好幼身同長，同我地平時食開d米唔同，都幾特別。但香料味蓋過咗芝士味，鐘意濃味芝士嘅朋友可能揀其他款炒飯會好d。香料味好重，啱啱開始一兩啖唔係好辣，但後勁凌厲，越食越惹味。整體來講，個炒飯成個配搭都OK，唔會好膩，隔離仲有兩兜好似沙律醬/乳酪嘅嘢可以mix埋一齊食，未食過印度米可以試下。
餐廳環境、服務和食物質素都很不錯，值得一試。
Post
