Bellevue Bar and Grill (Closed)

今日訂左尼間位於旺角的Bellevue bar & restaurant. 尼間除左食物外，仲有食景同食氣氛。好浪漫。岩晒同老公一齊去。今日我同老公拍拖仔一齊去尼間甘浪漫既餐廳食飯。我地叫左4樣食物：湯叫左「龍蝦濃湯伴煙肉海鮮雲吞」，前菜叫左「脆炸香草田螺配白菌」，主菜叫左「烤白鴿胸伴牛肝菌意大利飯」和「烤銀鱈魚扒」。首先講左一碗「龍蝦濃湯伴煙肉海鮮雲吞」，間餐廳service 真係好好。佢主動幫我地分開兩碗。值得讚！！而龍蝦🦞湯擺設真係好靚！一口飲落去，有好濃郁既龍蝦味。啖啖龍蝦鮮味溶入口中。而旁邊既雲吞好脆口。另外，前菜「脆炸香草田螺配白菌」，尼個口感脆脆的，內面有白菌菇同田螺。味道普通，無咩特別。第三，主菜「烤白鴿胸伴牛肝菌意大利飯」，白鴿肉嫰多汁，好味道。另外，牛肝菌意大利飯真係好好味，尼個值得推薦。👍👍👍另外一道主菜，烤銀鱈魚扒🐟。銀鱈魚既皮烤得脆脆的。而銀鱈魚肉嫰。好味道！！❤️❤️整晚食得好開心好浪漫。