Video
Read full review
2019-04-21
786 views
新蒲崗～絕少踏足的一區！莆源冰室～聽似普通的茶記一間！友人約噚晚飯局～心諗：What⋯新蒲崗➕茶餐廳，唔係啩，碟頭飯🤔🤭哈哈～去到先知自己孤陋寡聞，家陣只要你電話溝通預約，有啲茶記隨時可以變身私房😋😘是晩菜式：1）白灼大蝦：老闆不停道歉，原來話有兩隻蝦唔太新鮮喎～老實2）豬肚煮蜆：老闆話蜆夠大隻新鮮，應該冇沙，㸃埋佢哋嘅秘製辣油⋯嘩～勁掂呀3）鐵板豬膶桶蠔：老闆話計算下我哋一筒桶蠔唔多夠，建議打孖上～細心4）蕃茄蠔仔蛋花湯：看似平平無奇，但飲落超甜😋訪問老闆，佢話係家鄕煮法，絕無味精㗎～驚喜5）炸小魚：好似話係沙鑽，肉質嫩滑～I like6）避風塘炒蟹：賣相一流～但我冇食，唔知味道如何7）啫啫通菜：菜好鮮嫩，加上好少嗌咁樣煮，又唔使預訂～感覺特別好味8）椒鹽豆腐：外脆內嫩，正！呢個毋須預約，更加正👍豉油王炒麵，我們的至愛，炒得夠油夠味，清碟！雖然今晚冇甜品作結，但件牛油多士，口感一流⋯於我而言，真係錦上添花！看似簡單的一頓，多謝友人悉心安排，老闆廚師對美食的要求，令我食得開心又滿足！後記：哈哈⋯今晚仲認識左隔籬枱三位美女新朋友，大家交流吓吃的心得！佢哋推介咗呢度嘅椒鹽鮑魚同粉絲扇貝～嘻
莆源冰室～聽似普通的茶記一間！
友人約噚晚飯局～心諗：What⋯新蒲崗➕茶餐廳，唔係啩，碟頭飯🤔🤭
哈哈～去到先知自己孤陋寡聞，家陣只要你電話溝通預約，有啲茶記隨時可以變身私房😋😘
是晩菜式：
1）白灼大蝦：老闆不停道歉，原來話有兩隻蝦唔太新鮮喎～老實
2）豬肚煮蜆：老闆話蜆夠大隻新鮮，應該冇沙，㸃埋佢哋嘅秘製辣油⋯嘩～勁掂呀
3）鐵板豬膶桶蠔：老闆話計算下我哋一筒桶蠔唔多夠，建議打孖上～細心
4）蕃茄蠔仔蛋花湯：看似平平無奇，但飲落超甜😋訪問老闆，佢話係家鄕煮法，絕無味精㗎～驚喜
5）炸小魚：好似話係沙鑽，肉質嫩滑～I like
6）避風塘炒蟹：賣相一流～但我冇食，唔知味道如何
7）啫啫通菜：菜好鮮嫩，加上好少嗌咁樣煮，又唔使預訂～感覺特別好味
8）椒鹽豆腐：外脆內嫩，正！呢個毋須預約，更加正👍
49 views
2 likes
0 comments
豉油王炒麵，我們的至愛，炒得夠油夠味，清碟！雖然今晚冇甜品作結，但件牛油多士，口感一流⋯於我而言，真係錦上添花！
看似簡單的一頓，多謝友人悉心安排，老闆廚師對美食的要求，令我食得開心又滿足！
後記：哈哈⋯今晚仲認識左隔籬枱三位美女新朋友，大家交流吓吃的心得！佢哋推介咗呢度嘅椒鹽鮑魚同粉絲扇貝～嘻，我和友人們都話下次都要一試！
可惜店舖暫時仲未有酒牌，可說是美中不足之處了！但老闆説在申請中，在這期間可以自攜酒類飲品，他也在研究一些特色的例牌小菜，以免食客想即興飯局時掃興！
73 views
1 likes
0 comments
Post
