銀咖哩 (Closed)

黎商場食飯最鍾意就係美食廣場，原因係就算一班朋友嚟到，都有唔同選擇，可以大家揀自己鍾意嘅嘢食，唔一定要食同一間，而且可以嚟到先至揀，唔使出發之前就諗好食乜，啱晒選擇困難症嘅人😏😏😏😏德福廣場呢一個美食廣場其實位唔多，但係就成日都好多人嚟，所以係呢一度搵位都係我最唔鍾意嘅事。如果非繁忙時間黎可能會開心好多，但係繁忙時間就真係好難搵位🤥🤥🤥🤥🤥見到銀咖喱冇乜人排，於是就食銀咖喱啦。咁我今次就叫咗一個吉列海鮮卷咖喱飯。其實幾好嘅，佢啲炸物係新鮮即叫即炸，不過就有少少麻煩，又要等佢即刻炸，不過唔緊要嘅，咪當順便等下位👻👻👻有嘢食又有位就開餐啦。我覺得其實有啲寡，因為只係得白飯同一條炸蝦同咖喱醬。我覺得個飯份量好足夠，條炸蝦啱啱炸起當然新鮮啦，炸粉都唔會太多，食入口唔會只係得粉嘅感覺，不過咖喱醬就似乎唔多🤥你知啦只係靠一條炸蝦黎送飯，俾返多啲醬會開心啲🤥😂😂😂Anyway 平價餐黎講，唔好咁要求，我覺得已經經濟又實惠！