大瀛喜日本料理 (Closed)

其實依家食放題都好似冇乜邊間特別出名，再加上年紀開始大，唔再食得咁多，所以少咗食放題。不過我見呢間近近地喺旺角，於是就去試吓。由於佢八點半之後有八五折，所以就算我哋book 9點鐘，嚟到都仲好多人等緊，如果為咗價錢而book夜啲嘅話，記得打咗底先，如果唔係就會好似我哋，咁等到胃痛😂😂😂😂等左一陣終於有得入，入到黎即刻落咗order先，落完order都要等大約10分鐘先有嘢食，所以梗係自己出去搵嘢食，但係自助可以食嘅嘢除咗雪糕之外，填到肚嘅就只有甜品，所以甜品都照食👻其實甜品都幾多款式可以揀，而且有啲都幾創新。個泡芙同埋朱古力tiramisu就正正常常但係至於個楊枝甘露，我又覺得唔係好似甜品嘅楊枝甘露，反而有少少似芒果布甸。至於個焦糖燉蛋焦糖就略嫌唔夠多，不過燉蛋都幾滑嘅😍啱啱好食完個甜品，刺身就上啦。有一樣要讚嘅就係佢一啲都冇漏單，可能因為已經過咗高峰嘅時間，而且我哋嗌嘅份量都好合理。刺身嘅選擇方面，普通嘅刺身都有，有一個特別啲嘅叫做櫻花魷魚。呢個櫻花魷魚幾爽口食落去又唔會腥，都幾得意嘅。至於其他刺身就普普通通啦都唔會特別差。之後我哋仲嗌咗一個燒羊鞍，其實燒得幾好夠肉汁又夠味。有少少失