Video
Read full review
2019-05-03
69 views
今日帶小朋友去數碼港放電，放到自己啲電都冇埋，又攰又餓仲要湊住大老闆。好彩老闆終於餓，可以放飯啦～入到商場抬頭見到間日本餐廳，就入咗去，事關老闆話要食烏冬。我幾欣賞呢張枱金目鯛刺身，燒過魚皮後令魚油味更香，更煙韌，最重要係新鮮。活赤貝，夠爽口又鮮甜值得order，牡丹蝦肉質成半透明，唔會浸到白晒，所以相信都係用頂級貨，而食落蝦甜味濃，最緊要係個蝦頭，黃金橙色嘅蝦膏，撈飯食簡直係一絕。銀鱈魚西京燒，魚身滑口燒到金黃色，外皮仲帶啲脆口，味道帶少少甜，廚師控制火嘅能力都應該非常熟練。呢個天婦羅蝦烏冬，份量十足，有雞脾肉，兩隻大蝦天婦羅(炸到好脆)仲有半熟蛋，蟹柳，野菜。白飯用上日本珍珠米，飯香味濃煙韌，撈蝦膏同銀鱈魚超正。魚生吧～呢間餐廳嘅食物質素同服務都好ok,下次睇完戲可以過嚟食。餐牌1號餐牌2號
我幾欣賞呢張枱
金目鯛刺身，燒過魚皮後令魚油味更香，更煙韌，最重要係新鮮。
活赤貝，夠爽口又鮮甜值得order，牡丹蝦肉質成半透明，唔會浸到白晒，所以相信都係用頂級貨，而食落蝦甜味濃，最緊要係個蝦頭，黃金橙色嘅蝦膏，撈飯食簡直係一絕。
銀鱈魚西京燒，魚身滑口燒到金黃色，外皮仲帶啲脆口，味道帶少少甜，廚師控制火嘅能力都應該非常熟練。
呢個天婦羅蝦烏冬，份量十足，有雞脾肉，兩隻大蝦天婦羅(炸到好脆)仲有半熟蛋，蟹柳，野菜。
白飯用上日本珍珠米，飯香味濃煙韌，撈蝦膏同銀鱈魚超正。
魚生吧～呢間餐廳嘅食物質素同服務都好ok,下次睇完戲可以過嚟食。
餐牌1號
餐牌2號
Post
