金蘭花泰國餐廳 (Closed)

想食海南雞飯，上網見到呢間金蘭花泰國餐廳好似唔錯，買咗兩盒外賣返屋企食，原價$68依家有九折， $109蚊有兩盒，返到屋企打開個盒聞到好香，最好食係佢個泰式辣醬，酸酸辣辣咁樣，又唔會太辣，十分開胃，點埋啲雞肉配合得啱啱好，撈住飯食都好好食，啲雞肉超級新鮮，有一盒係雞脾，一盒係雞胸，唔會太老， 10分滑，啲飯唔會太濕，一粒一粒唔會黐埋一舊舊，整體來講，呢個飯好好食，最特別係佢個醬汁，下次可以試埋其他嘢食，值得一試。