瑞士咖啡室 (Closed)

瑞士咖啡室，睇個招牌以為係coffee shop，其實佢係一間茶餐廳😂。一坐底侍應已經問你食咩，我話睇睇餐牌先，唔夠10秒又嚟第二個侍應又問？？我又答佢...我睇睇先因為我都係第一次嚟，點都要望一望餐牌有d咩先叫到呀😓😓😓我再望一望周邊環境其實仲有好多枱冇客坐，而且而家都3:00pm鐘時間，唔係lunch時間點解都要咁趕呢？？？🤔第三次又嚟啦😱咁趕嘅環境下...想都冇得想常餐B啦🙄牛油多士🍞 + 火腿奄列🍳多士香口...火腿炒蛋炒得剛剛熟👍🏻切開仲有蛋汁流出😋 瑞士雞髀🍗 - 瑞士汁幾好味唔會死鹹帶有甜味，但雞脾肉嚡左小小加 $4 轉左出前一丁。麵🍜煮得太淋，食左幾啖都唔想食😑