元氣一杯

Open Now

Now Closed

尖沙咀行完街，朋友推介左呢間，今日試一試。一坐低沙律前菜就上枱，後尾見到餐牌寫咗呢碟沙律都唔平，不過幾好味。首先上枱係小食炸雞軟骨，份量都幾多，新鮮炸起好熱好脆朋友點左個天婦羅烏冬，試食咗少少，個湯好好飲，濃淡適中，烏冬好彈牙，正我點左個滑蛋炸豬扒丼，豬扒其實原本幾好味，但成塊豬扒嗰個炸粉真係唔掂，一路夾一路散，搵一塊完整嘅都冇。但啱啱上台嘅賣相都唔錯嘅。而且份量都唔小。整體來講，佢位處尖沙咀商場內，呢個價錢食晚餐其實都正常，不過食得呢間都係食返烏冬好啲。