The Stadium (Closed)

朋友揀既餐廳, 揀呢間係因為預佢可以坐得耐, 因為佢地方大, 入面係有snooker同可以睇波 (我地去既當日係播緊網球賽), 有酒飲, 應該好多客都坐好耐。點知佢果到既冷氣勁凍! 係非常凍個種, 所以係坐得耐少少D野食好快就凍哂。我地叫左3個set dinner, 平均二百五蚊一個set, 包左餐湯忌廉湯同野飲。當日個set dinner menu係有青口既, 但點知order個時又冇,有D失望。叫左個烤豬膝, 配粟米同薯格。豬膝係勁硬, 我唔知係呢個部位係咁定係佢煮得唔好既問題。另一個係牛油果炸軟殼蟹cream risotto, 一般般, 牛油果味煮左之後有D認唔到係牛油果既味。 最好食係呢個紅酒汁牛肋骨, 個汁勁多, 所以上菜個時你只會見到黑色一大舊。佢旁邊其實有D薯蓉，薯蓉好creamy, 應該係預左薯蓉可以配汁先比咁夕汁你既, 牛肋骨都好食既。overall我覺得食物一般而已, 如果係一大班人睇波+玩下snooker咁可能會覺得好D, 為左食野就唔洗encore。