吉野家 (Closed)

又到糧尾，即係冇錢洗嘅時候，每一筆洗費都要慳，梗係要搵下有啲乜嘢平嘅嘢食來做午餐。😏🙌🏻其實我幾鍾意食吉野家嘅午餐，相比起其他餐廳來講，有平嘅選擇，而且又可以儲分，之後用嚟換其他嘢食，就可以加餸🙌🏻🙌🏻今次我就唔食野菜雞扒飯而係食肉燥糖心蛋飯。首先就同一般嘅吉野家飯一樣，會將啲餸菜同飯分開擺，咁就唔會啲汁比啲飯索晒，然後啲飯就稔晒啦，保持到佢嘅新鮮度🙌🏻😛流心蛋夠哂流心吖，一整開啲蛋黃就流晒出嚟😛撈飯一流🥰而且我覺得蛋黃，肉碎同埋飯係一個無敵嘅配搭，我對佢完全冇抵抗力，就好似窩蛋免治牛飯一樣，只要由呢三種材料配搭而成，都係冇得彈啊😍😍肉燥飯嘅肉碎夠晒細粒所以滷得都幾入味，連鎖餐廳算係咁😎最後總結，呢個價錢，呢個質素，仲有咩好要求？繼續食！繼續食！😁🙆🏻‍♀️🙆🏻‍♀️