鴻淘士多‧羅太豆花

Open Now

Now Closed

星期六放假休息梗係去戶外啦，今日嚟到上水行山野餐，周圍睇下附近有咩食。朋友推介上水有一間豆花豆漿任食放題，我地就入去啦。位於接近羅湖邊境位置，有幾個私家車位同大量單車位。在場都有好多跑步/單車人士都停低食碗豆花先走，似乎這裡是中途補結站。程序係先俾$13買個碗，可以叫佢幫你‘不’落碗，自己再添豆漿或者再加豆花。講返野食，豆花香滑完整，黃糖同薑糖汁都係自己任加的，個人喜好：半碗熱豆花溝半碗凍豆漿，又熱又凍，好正。