珍意泰國菜館 (Closed)

每次過嚟 #東大街 食lunch，#小秘書 嚟嚟去去都只會幫襯嗰兩三間🤪 呢日見悶悶地，一於搵啲新口味。近街尾位置原來有間 #泰菜館 珍意泰國菜館，見佢門口裝飾得企企理理，應該唔差嘅🤪 #珍意 嘅 #午餐選擇 都唔少，#泰式飯麵 都有齊😋 膚淺嘅我，通常都只係識得 #看圖點菜🤪 見 #餐牌 上嗰碗 #海南雞絲 併 #滷水鴨 #湯金邊粉 靚靚仔仔，就一於「點佢燈」啦🤣😅我都明白「事實永遠同現實總有啲距離」，雖然外貌一般，不過不得不讚吓佢啲食物味道真係唔錯， 尤其係 #滷水鴨 滷得非常入味，#雞絲 又唔會煮得鞋烚烚，配埋 #湯金邊粉，好有泰feel😋 不過最衰 #小秘書 落得太多 #辣椒粉，口味重咗啲啲😅 加上 #師傅 喺我杯 #青檸梳打 落重料，又辣又酸嘅感覺好奇怪🤤 不過都只係怪我多手之故啦😅