阮蘭坊 (Closed)

正如其他評論所講，略欠味道，又或者係，沒有味道。今日叫左個外賣，蝦餅湯金邊粉，好快就有得拎。番到屋企，一打開個蓋就嚇親，白濛濛一片，淨係賣相已經扣哂分，未食已經feel到碗野一定一粒味都無。咬左兩啖蝦餅，味道還好，外脆內軟，不過唔係好多舊，但碗野講緊成六十蚊。金邊粉就好多，口感都算唔錯，唔會太硬唔會太淋。但個湯真係完全零味，清淡到核爆。唯一好既地方係—佢比左包甜酸醬我，味道有d似m記點雞翼個隻泰式辣醬，基本上係一啖面一啖醬咁食，無左包醬真係完全啃唔落。我諗下次都係叫番d大路野，例如豬排豬頸肉個d算數。