Video
Read full review
2020-01-07
1206 views
本身預咗出港島行加食埋晚飯，點知無啦啦無得去😡，所以就喺屋企附近搵嘢食算。見未食過港味，之前行過又見到有人排隊，就試下啦。等咗幾張枱先入得，大約15分鐘到啦。一入到去，店員就問我哋飲乜茶，之後先發現原來係每人俾茶包的，而唔係酒樓茶壺嗰種，所以可以每人要唔同款的。我就同侍應換翻玄米茶包啦，佢係有幫我換，但就扔咗個茶包落我個碗到囉😑，O哂咀，勁無禮貌。唔理佢啦，睇下有乜食先，食物選擇都幾偏門，小菜同點心都有，但炒粉麵飯就好少。另外，餐廳有做啲孖寶小菜推介，但其實以組合咁叫先平$4......，完全唔吸引😒。開始睇菜單、點菜時已經有啲嬲，因為張點餐紙俾人畫過嘅，即係一個唔小心自己無為意無刪走，店員隨時入埋單，焗我哋食埋俾錢🙅🏻♂️🙅🏻♀️。有圖為証，前後2版都有俾人畫過，蜜椒雞翼同埋松露藜麥蛋白炒飯，唔係我哋點的，所以我哋唯有連張相片都刪埋去，唉🤯。我仲偷聽到隔離台同一情況..。我哋本身叫咗5樣嘢，但乳鴿無咗又唔出聲，剩係放低張單見到無落到先估係。但後尾又聽到店員有同隔離枱講賣哂喎，點解咁唔一視同仁㗎呢？雖然我估計係講漏咗，但心底裡有啲唔份氣😤。四喜烤麩($28)，呢個小食係咁多樣餸入面最正
本身預咗出港島行加食埋晚飯，點知無啦啦無得去😡，所以就喺屋企附近搵嘢食算。見未食過港味，之前行過又見到有人排隊，就試下啦。等咗幾張枱先入得，大約15分鐘到啦。一入到去，店員就問我哋飲乜茶，之後先發現原來係每人俾茶包的，而唔係酒樓茶壺嗰種，所以可以每人要唔同款的。我就同侍應換翻玄米茶包啦，佢係有幫我換，但就扔咗個茶包落我個碗到囉😑，O哂咀，勁無禮貌。
唔理佢啦，睇下有乜食先，食物選擇都幾偏門，小菜同點心都有，但炒粉麵飯就好少。另外，餐廳有做啲孖寶小菜推介，但其實以組合咁叫先平$4......，完全唔吸引😒。
開始睇菜單、點菜時已經有啲嬲，因為張點餐紙俾人畫過嘅，即係一個唔小心自己無為意無刪走，店員隨時入埋單，焗我哋食埋俾錢🙅🏻♂️🙅🏻♀️。有圖為証，前後2版都有俾人畫過，蜜椒雞翼同埋松露藜麥蛋白炒飯，唔係我哋點的，所以我哋唯有連張相片都刪埋去，唉🤯。我仲偷聽到隔離台同一情況..。
我哋本身叫咗5樣嘢，但乳鴿無咗又唔出聲，剩係放低張單見到無落到先估係。但後尾又聽到店員有同隔離枱講賣哂喎，點解咁唔一視同仁㗎呢？雖然我估計係講漏咗，但心底裡有啲唔份氣😤。
四喜烤麩
$28
29 views
0 likes
0 comments
四喜烤麩($28)，呢個小食係咁多樣餸入面最正常！小食份量嚟講算多，豆干木耳甜甜酸酸幾開胃，下面就有啲醃蘿蔔，唔錯。
胡椒鹹菜豬肚
$58
15 views
0 likes
0 comments
胡椒鹹菜豬肚($58)，呢個以鍋上，味道正常，個湯無想像中咁酸，但亦唔夠麻。扣分位係湯唔夠熱、豬肚比較韌同埋份量少。
欖角骨
$58
15 views
0 likes
0 comments
欖角骨($58)，呢個係圖文不符之作，餐牌張相啲骨邊有咁黑㗎？我知道欖角係黑色，但都唔會成嚿骨都黑蚊蚊掛🤔？一上碟時熱辣辣食嗰2嚿都ok嘅，但一放耐咗層油咇哂出嚟，好肥膩，頂唔順，而且有幾嚿骨入面全部係肥膏。呀媽食完話唔舒服咗成晚🤢。
酥炸廣島蠔
$62
14 views
1 likes
0 comments
酥炸廣島蠔($62)，呢個係終極大佬，上碟有6隻炸蠔，外型炸到金黃色，但呀媽咬咗一啖吐都吐唔切，話入面完全唔熟，好腥🤮。雖然呀媽係唔食生蠔，但咬開咗我都聞到有幾腥囉，傻的嗎？我哋即刻無再掂另外嗰5隻，搵咗個侍應嚟同佢講，佢都二話不說話唔好意思，換個碟俾我哋。不過再上碟後，嬲嬲豬嘅事情又發生喇...🤬。你話換過碟俾我，但實際係將嗰5隻剩返嘅拎去翻炸，ok，都無所謂，因為想入面隻蠔熟翻啫，亦都唔想浪費食物。但有一隻其實我哋係無食到、食唔到，放翻上碟，你係咪應該比翻完整一碟6隻我呢？而家即係得翻5隻，如果我哋係一行六人，咁咪有一個人無得食？不過我哋唔想好似啲奧客咁，所以無再出聲了😥。
同場加映，就係連白飯🍚都出事，$15/1個，一啲都唔平囉，但你竟然大大嚿飯焦都好意思裝俾我哋？你估依家食緊煲仔飯咩！有一個白飯直頭有大半碗唔食得...，又乾又硬。雖然我哋同侍應反映，佢都即刻話唔好意思，叫我哋等等新嗰煲飯，再裝過一碗俾我哋。但我哋已經失望咗，燥底咗。食嘅時候我都無諗住要打負評，所以無影到好多相，但真係愈諗愈嬲呀😣😤😩🤬😖😡😭！！！2020年第一餐嘅晚餐竟然有啲咁嘅體驗...。
總括嚟講，港味嘅食物味道、質素、份量、菜式選擇、服務態度同專業都完全唔合格。我直頭blacklist咗，一定無下次！依家食完唔飽，但又一肚氣，仲搞到呀媽好勞氣，唉👎🏻。我只能夠講成間餐廳最好就係個環境囉，餐枱夠大，空間闊落，光光猛猛，目測就都幾乾淨咁囉。但都係毫無懸念地要俾負評。完。
Post
