泰拍耶

Open Now

Now Closed

呢間野位於黃埔aeon底層，食完可以行去aeon買野，一舉兩得。我地兩個人叫左巨多野食，超肚餓，包括酥炸皮蛋， 海鮮冬蔭大頭蝦湯，馬拉盞炒椰菜苗，菠蘿炒飯。另外叫左兩杯野飲，包括蝶豆花椰汁冰，同埋一杯熱薑茶。碟碟賣相都好好睇，先講下酥炸皮蛋，好有層次，最出面係一層麵包糠，然後係一層類似魚肉既物體，最後係皮蛋，相當香脆可口。大頭蝦湯好香好辣，唔食得辣既人就唔建議食，略嫌份量唔夠多，得兩隻蝦同幾粒菇，不過蝦相當大隻，所以尚可接受。菠蘿炒飯好多料，加埋豬肉鬆同腰果勁香。炒菜就不過不失，略嫌鹹左少少，好重蝦醬味。蝶豆花椰汁冰好香甜，解渴一流，食泰國菜必點飲料。薑茶好養生，超級辣，面頭加左d泰國既香茅，多重味覺享受。每樣菜都好有特色，係幾高質既泰國菜，如果可以係味道上稍作調整，會更出色。