Video
Read full review
2020-01-11
24 views
剛剛去尖沙咀shopping完，出到嚟已經天黑喇，望下隻錶已經7:00 ，朋友介紹話附近有間樓上小菜幾好食，就帶咗我上去。餐牌內容都幾豐富，有好多種選擇，又有避風塘炒蟹，又有海南雞飯，又有燒味拼盤，總之就有好多嘢揀。有選擇困難症嘅我，交咗比朋友發板。最後揀咗：清湯蘿蔔炆牛腩- 用熱鍋上枱，非常之大煲，蘿蔔入味， 牛腩炆得夠晒林，中間夾有少少脂肪層，一放入口，鬆軟溶化，個湯底非常清甜。煎蠔餅—— 好耐冇食煎蠔餅，睇吓有幾多蠔肉喺度？！蠔餅非常香口，食得出蠔仔肉嘅鮮味，點埋魚露，又係另一種風味。西蘭花炒帶子—— 又係夠晒足料，一夾起就睇到帶子肉有幾厚，西蘭花爽甜，食得出鑊氣！咪睇呢度成7樓樓上鋪，一路食飯都見到人來人往，唔少人識上嚟搵食㗎！而且夥計招呼都好有禮貌，想喺尖沙咀搵小菜食，呢度絕對值得一試！
餐牌內容都幾豐富，有好多種選擇，又有避風塘炒蟹，又有海南雞飯，又有燒味拼盤，總之就有好多嘢揀。有選擇困難症嘅我，交咗比朋友發板。最後揀咗：
清湯蘿蔔炆牛腩- 用熱鍋上枱，非常之大煲，蘿蔔入味， 牛腩炆得夠晒林，中間夾有少少脂肪層，一放入口，鬆軟溶化，個湯底非常清甜。
煎蠔餅—— 好耐冇食煎蠔餅，睇吓有幾多蠔肉喺度？！蠔餅非常香口，食得出蠔仔肉嘅鮮味，點埋魚露，又係另一種風味。
西蘭花炒帶子—— 又係夠晒足料，一夾起就睇到帶子肉有幾厚，西蘭花爽甜，食得出鑊氣！
咪睇呢度成7樓樓上鋪，一路食飯都見到人來人往，唔少人識上嚟搵食㗎！而且夥計招呼都好有禮貌，想喺尖沙咀搵小菜食，呢度絕對值得一試！
Post
