Video
Read full review
2020-01-15
1020 views
今日趁食晏時間去咗新都城買定賀年糖果，原來之前有留意嘅一間有愛心西餐廳就喺隔離，見到有我鐘意食嘅意大利飯，就喺度坐低食埋午餐啦。餐廳牆身以灰色加簡單設計做裝飾，部份座位有近喺落地玻璃前，部份座位喺商場近中間位置。午餐有意粉同意大利飯各兩款選擇，All Day Menu嘅選擇比較多另外仲有小食，甜品。食物除咗一款我覺得一般，其餘都唔錯，職員好勤力快手，整體感覺唔錯每個午餐可選擇柚子汁雜菜沙律或香草牛油法包做頭盤。沙律菜新鮮加少少柚子汁，清新開胃。法包幾香脆。+$30粗薯條(配黑松露醬)，薯條好新鮮份量又多，個醬好味。+$20焦糖雞翼(3隻)，外皮烤得夠乾，但相對肉都乾咗少少。香煎朧脷柳南瓜汁意大利飯，魚柳唔錯，外面有啲焦香，但飯我覺得唔夠淋，個南瓜汁好重南瓜味，不過真係太淡。溫泉蛋煙肉白菌忌廉汁意大利麵，麵嘅軟硬度適中，溫泉蛋好吸引，味道唔錯。帶子.黑松露.藍芝士.忌廉汁手做薯仔粉，帶子比薯仔粉搶晒鏡，個手工粉好特別，係薯仔嘅味道，口感都有啲似薯仔，每粒都好軟，但又唔會一入口即溶，少少粉類感覺，個醬汁幾好味，唔重味啱啱好，食唔出芝士味，黑松露味都幾出，幾好味吖。餐飲配熱伯爵紅茶1杯。+$
每個午餐可選擇柚子汁雜菜沙律或香草牛油法包做頭盤。
沙律菜新鮮加少少柚子汁，清新開胃。
法包幾香脆。
+$30粗薯條(配黑松露醬)，薯條好新鮮份量又多，個醬好味。
+$20焦糖雞翼(3隻)，外皮烤得夠乾，但相對肉都乾咗少少。
香煎朧脷柳南瓜汁意大利飯，魚柳唔錯，外面有啲焦香，但飯我覺得唔夠淋，個南瓜汁好重南瓜味，不過真係太淡。
溫泉蛋煙肉白菌忌廉汁意大利麵，麵嘅軟硬度適中，溫泉蛋好吸引，味道唔錯。
帶子.黑松露.藍芝士.忌廉汁手做薯仔粉，帶子比薯仔粉搶晒鏡，個手工粉好特別，係薯仔嘅味道，口感都有啲似薯仔，每粒都好軟，但又唔會一入口即溶，少少粉類感覺，個醬汁幾好味，唔重味啱啱好，食唔出芝士味，黑松露味都幾出，幾好味吖。
餐飲配熱伯爵紅茶1杯。
+$10樽裝果汁(青蘋果)
+$10樽裝果汁(芒果)
+$28精選蛋糕1件，蛋糕櫃選，呢個係香芒熱情果撻，應該唔係即日製造，上面嘅圈同撻底都唔脆，中間嘅醬甜甜酸酸，中和忌廉芝士嘅膩。
Post
