赤羽居酒屋 (Closed)

屯門其實真係有好多好嘢食，呢間絕對係值得一試再試！第一次黎嘅時候，仲覺得幾貴，因為屯門井財街來講，$50-$70既午餐的確比較貴。但係食完之後，就覺得性價比高，所以間唔中都會黎幫襯。呢個咖喱豬扒飯，係我其中一樣最鍾意食。睇相唔覺，實際上係一個好大嘅碟，份量係好多架！食過好幾次，水準依然好好。咖喱味唔算濃或者太甜，襯托炸左嘅豬扒，完全突出到豬扒嘅鮮味同埋肉汁。而且豬扒嘅份量實在好多，每一次食都要分豬扒比其他朋友。除咗主餐之外，仲有一個湯同埋前菜沙律，都算唔錯，以前仲有嘢飲㗎，不過而家飲品就要加錢啦。