金饍韓國料理 (Closed)

餐廳有落地玻璃,可以睇到海景,夜晚8點仲有幻彩詠香江睇到,座位空間足夠,入座後職員會送上前菜,好味~叫左D 韓燒野食同散叫左D野食,叫左個燒肉盛合($580),是有和牛肉眼,一口牛,西冷牛,牛柳同牛舌賣相好美,燒時按自己喜好加上鹽一起燒,比起用豉油更好,牛一點都不DRY,有牛味,好易入口,絕對值得叫。另外叫左個醬汁雞($128),都有好多件,個汁是較為甜的,雞嫩而且JUICY。牛肋骨,好入味,有4大塊,入面仲有大大粒白蘿白,醬汁都是甜甜的,送飯食一流。餐廳好好,加2５元可以任飲,但需要每台每一位加,飲品總類多,想不到有韓國真露!!職員好好禮貌,又細心,服務十分好。食物質素高,環境十分舒服!