四寶食堂 (Moved) New Location

午餐嚟呢度食飯，雖然真係太多人，但如果要食一間價錢唔貴但又好食嘅餐廳，北角都真係冇乜幾多選擇。我同朋感覺嚟呢度叫咗個午餐，係白汁炸魚柳飯，白汁幾稠下，少少甜，炸魚柳比較熱，亦都脆。奶茶我叫咗少甜，所以就唔太甜，茶味係有，所以都較其他茶餐廳好飲。之後就係佢個阿華田脆爆西多士。西多士面頭鋪想一層非常濃厚的阿華田粉，再加上糖漿煉奶，配上熱辣辣的西多士外層，內裡是流沙夾心，四者混合埋一齊食，甜得黎新鮮，新鮮得黎有流心係個口入面。最好就係佢個咕嚕肉，咕嚕肉一般只可以在晚市先可以食到，但如果要在中午食的話，特別要求餐廳，餐廳也能做到的。外面食嘅咕嚕肉，一般都可能會有唔新鮮、肥肉少嘅情況出現，令到咕嚕肉變得唔好食，呢度嘅咕嚕肉，由於係新鮮整，新鮮炸，再加上肥肉同埋瘦肉嘅比例都好適中，配埋山楂汁酸酸甜甜地一齊食，就唔會覺得好油膩。