Video
Read full review
2020-06-29
856 views
係太子區有好多間cafe,今日經過依間居廬諗住試試佢，點知就中曬大伏🤡🤮Lunchtime 去到，一台客都無，但諗住橫掂都去到，點都試一試佢，餐廳嘅裝修係幾特別，但啲枱同等都唔知點解特別細，坐得唔舒服😥其實張枱已經好細，佢仲要擺埋啲吉嘅啤酒樽喺度做裝飾🤯(which唔係特別靚，仲以為係上一手飲完留左係到未收🤪Set Lunch包$28嘢飲，其他嘅就要補返差價，同埋要加一諗住去到一間Cafe飲咖啡實冇死，於是叫咗一杯凍嘅cappuccino（$38）第一啖飲落去真係驚為天人😟😨冇諗過Cafe嘅咖啡可以難飲到咁，飲落去只係得奶同埋水嘅味，完全冇咖啡味可言，真心比佢嚇親，仲要已經係加咗錢飲貴啲嘅咖啡，想像唔到唔加錢會係咩味由於佢落錯單定唔知睇錯單，等咗好耐先有嘢食上第一道上嘅菜係義式野菌海蜆意粉($68)真係.... 好難食，自己係屋企煮既仲好食，意粉都未煮熟🤪第二道係黑松露野菌雜菜意大利飯($78)喺張相上邊可以見到有少少黑松露醬，但只僅限於此，基本上成個飯都冇咩黑松露味，但算係可以放得入口嘅，但如果你想食好食嘅嘢，唔會叫佢囉🤪😂一路食一路心諗唔會再有下一次，唔係特別平啲嘢食又細份，諗住賣
Lunchtime 去到，一台客都無，但諗住橫掂都去到，點都試一試佢，餐廳嘅裝修係幾特別，但啲枱同等都唔知點解特別細，坐得唔舒服😥
其實張枱已經好細，佢仲要擺埋啲吉嘅啤酒樽喺度做裝飾🤯(which唔係特別靚，仲以為係上一手飲完留左係到未收🤪
Set Lunch包$28嘢飲，其他嘅就要補返差價，同埋要加一
諗住去到一間Cafe飲咖啡實冇死，於是叫咗一杯凍嘅cappuccino（$38）
第一啖飲落去真係驚為天人😟😨
冇諗過Cafe嘅咖啡可以難飲到咁，飲落去只係得奶同埋水嘅味，完全冇咖啡味可言，真心比佢嚇親，仲要已經係加咗錢飲貴啲嘅咖啡，想像唔到唔加錢會係咩味
凍cappuccino
$38
19 views
0 likes
0 comments
由於佢落錯單定唔知睇錯單，等咗好耐先有嘢食上
第一道上嘅菜係義式野菌海蜆意粉($68)
真係.... 好難食，自己係屋企煮既仲好食，意粉都未煮熟🤪
義式野菌海蜆意粉
$68
19 views
0 likes
0 comments
第二道係黑松露野菌雜菜意大利飯($78)
喺張相上邊可以見到有少少黑松露醬，但只僅限於此，基本上成個飯都冇咩黑松露味，但算係可以放得入口嘅，但如果你想食好食嘅嘢，唔會叫佢囉🤪😂
黑松露野菌雜菜意大利飯
$78
12 views
0 likes
0 comments
一路食一路心諗唔會再有下一次，唔係特別平啲嘢食又細份，諗住賣單走人，點知一睇張單要$227? 明明叫左Set lunch, 個店員竟然無落到Set lunch個價，好彩有check單.... 之後先收番我地$183，真心呢一個價錢，喺同區嘅大把好嘢食，唔會再有下一次機會🤪
不過如果你想中下伏嘅可以試吓嘅😄😂
(PS: 由我哋喺門口入去坐低嘅一刻，去到我哋埋單走人，間鋪都係一個客都無）
Post
