Infinity Workshop Cafe (Closed)

試左呢間樓上Cafe，6點上到去，由於空間比較細，枱好少，之後Booking好full，所以8點就要交枱。黑松露炒鮮帶子虎蝦意炒味道及賣相都唔錯，一啲都唔hea，好大隻虎蝦，亦唔似普通雪藏帶子，整碟意粉都好味黑松露味。香煎鴨肝西班牙火腿貝果 配手搖薯條呢道菜好多網上食評都係5粒星，當然要試下。好少食以Bagel配肉既組合(多數都係Burger)，原來可以咁好食，Bagel煙靭有咬口，鴨肝有d油，所以配合火腿食就冇咁漏，好好味，薯條亦都好多，不過Bagel想同朋友分享比較難切開。整體食物味道不錯，但等上餐都需要一段時間，女服務員很細心，原先叫多款小食，幸得佢提醒有機會食唔哂，令到冇浪費食物。