Doppio Caffé (Closed)

疫情之下餐餐食煮家飯，煮到唔知煮乜好，所以決定偷懶出街食lunch。今次呢間餐廳其實留意左好耐，全因為其自然系既裝修風格，令佢同屋村內既其他餐廳形成對比，比人一種舒適同寫意感。Lunch set 有超過20款飯/意粉/湯粉等供選擇，而全部都包餐飲同餐湯或沙律，而餐飲亦唔馬虎，我就揀左凍蘆薈水蜜桃紅茶同凍蜂蜜檸檬蘆薈，前者有香濃水蜜桃味，不過略甜；後者檸檬味有點奇怪，友人表示難接受。餐湯入口唔會有粒粒感，質感較水較稀，不過略鹹；沙律正常。芝士焗葡汁雞扒飯 $68焗飯岩岩焗出黎，非常非常熱!! 食到最後，d芝士依然可以拉到絲，就知佢有幾熱!葡汁味道一般，椰汁同咖哩味都唔會太特出；雞扒肉質算嫩，配炒飯底。自家製蕃茄吉列豬扒飯(辣) $62呢個蕃茄汁好好味，酸甜適中，帶少少辣，蕃醬味濃郁，如果店家可以淋多少少汁就更好。吉列豬扒最令人失望，外層炸粉仲厚過塊豬扒，第一次食咁薄身既豬扒....整體用餐體驗唔差，職員有笑容、有禮貎，餐廳環境唔錯，食物賣相好靚，味道不過不失，但吉列豬扒有點伏。