竹青亭 (Closed)

難得於平日放半天假同男友去行街街，見社交平台早前有個post，話有間新開黃店好食，一於去幫襯食個Lunch支持下先。一進餐廳店員先替客人量體溫，之後就安排就坐送上清水，還詢問冷氣風口有否直吹感到不適，真是細心體貼呢。餐廳裝修主體為青綠色，牆上繪圖配合店名，所有餐具都重甸甸的，相信花了不少本錢吧。睇咗一陣Menu後，最後決定揀Lunch Set，男友要咗「露筍青瓜南瓜汁扁意粉 $72」，而我就叫咗「海鮮龍蝦忌廉汁意大利飯 $82」海鮮飯好有蝦味，平日唔太鍾意食嘅青口都覺得唔錯，成個飯都充滿鮮味又多海鮮，連嘴刁嘅男友都大讚至於個扁意粉亦非常good，露筍翠嫩，扁意軟硬度剛剛好，係一款非肉食嘅好選擇餐飲有別於一般嘅菊花青檸茶，飲落有啖啖嘅草本味道，非常清新；建議此款選擇熱飲會比凍飲出色埋單時發現有85折，一問之下原來此乃新張優惠。總括來講，以食物質素、服務、環境來講，呢一餐實在太抵啦﹗成間店嘅店員都好年青，希望佢哋繼續加油，要多多支持先得。