堅信號上海生煎皇 (花園街) (Closed)

話說上海生煎皇變左堅信號之後都未食過, 只係好耐年前食過佢既生煎包, 都冇乜印象了, 今晚朋友係附近就一齊食個快飯, 原來而家既堅信號咁受歡迎, 超多人, 等左一陣位先入到。而家餐廳做緊小丸子CROSSOVER, 唔怪得咁多人, 一定吸引左唔小少女心而我就比佢牆上既野食吸引多D, 叫左個上海粗炒!上海粗炒好快上枱, 色水幾靚! 好香麻油醬油味, 麵條炒得剛好有咬口唔會過腍, 配料簡單有椰菜絲, 冬菇絲, 不過就冇膳, 差咁D~ 但依個價錢 $52都算好合理。堅信號生煎包必食之一, 生煎包好多湯汁加上飽滿肉餡, 灑上蔥花同芝麻, 香味更添一重!堅信號小籠包必食之二, 小籠包皮薄多汁, 唔會一夾就爛, 仲好有肉香添。 夾包以為有餡既夾包, 原來係冇餡架~~~ 不過口感好鬆軟, 好似有煙韌感既曼頭咁, 不錯。豆漿豆漿唔會太甜, 食住個夾包黎飲好夾~