居食屋「和民」 (淘大商場3期) (Closed)

呢份雞髀上枱嘅時侯好香蒜蓉味，不過食落口就知道啲味喺晒層皮度，肉近乎冇味。成個餐最正路嘅一pizza, 細細個一份4件。呢個刺身係餐指定送嘅，大家見到幅圖，呑拿魚都係灰灰地唔多新鮮個沙律真係不得了！佢有芝士都係凱撒沙律嚟嘅但係唔知點解佢上面有一隻溫泉蛋，嗰隻溫泉蛋就好似喺牛角食牛角飯加落去嗰隻溫泉蛋咁，當你攪勻個沙律你就會發現佢因為嗰陣時隻蛋黃應該係爛咗。然後就會發現撈出嚟嗰個沙律好濕，個感覺好差。嘢飲黎到唔熱嘅，唔熱嘅程度係連柚子蜜都溶唔到。每飲一啖都要攪一攪先。味道係...即沖嘢飲味囉，唔伏嘅但冇好好飲呢份手卷第一舊擺落口係腥嘅。係超級腥。牛油果冇乜問題，都冇咩值得提。第一份黎嘅牛肉每塊都灰邊，牛肉咁嘅色，認真係有啲驚嘅但佢哋之後都肯換過份俾我哋。湯底好咸下，牛十分”有咬口”其實三百幾蚊一個二人餐，都冇得要求咁多。不過希望啲食物正正常常。如果係好食嘅賣相唔OK，味道OK完全可以接受。味道唔得賣相得都可以。不過灰邊刺身又腥係 冇咩特別嘢應該都唔會再去。