京滬佳餚 (The LOHAS康城) (Closed)

今日去咗日出康城出Jobs。之後行吓The Lohas 睇吓有咩食。原來好多鋪頭仲未開！見到呢間京滬。佳餚 有烤鴨食。🐽🐽話想試吓！餐廳裝修好華麗😍個筷子匙羹托都好特別喎！京滬酥香烤鴨（半例）烤鴨上枱好香啲皮脆卜卜，店員仲建議我地面果4塊皮點白糖食，食落果然無咁油膩😋烤鴨有六種配醬料啲皮薄到晶凝通透！松鼠黃魚呢個黃魚開邊炸再淋啲酸甜汁上面配埋啲松子仁！食落酸酸甜甜，啲魚外脆內軟正呀！招牌小籠包（6隻）食埋呢個爆汁既小籠包！真係好滿足！