喜鍋 海鮮‧火鍋‧小廚 (Closed)

其實打呢篇食評嗰陣時已經係我第三次去呢間油麻地隱世火鍋店，因為真係太好食了！。朋友就會唔想諗嗰陣時就會去呢度食！ 價錢方面其實佢真係唔算平，但係佢絕對對得住佢嘅質素！首先佢食物質素高，肉類唔會好大浸雪藏味，海鮮亦都唔會好霉亦都有一定嘅鮮味。其次係佢選擇都其實算幾多，講湯底已經有12款，而且唔係一般好hea 好common 既咩醬油豆腐湯之類嗰啲，每一款都算濃味同埋有一定嘅配料； 再講就係食物種類，除咗頭先講新鮮之外，佢亦都有唔少幾特別嘅選擇，除咗火鍋之外佢仲有酸菜魚同埋雞煲，而且仲有一啲可以即刻食嘅小食，私心推介就係佢既期間限定蝦多士！嚟咗兩次都有食，老闆話唔係次次都有得食，佢會定期轉下款俾大家有多啲選擇。如果你問我佢有啲咩缺點我就只可以話佢店面比較細位置唔多，有兩次都等咗一陣先有位。而且每位大約300至$400不等，如果純粹想飽肚或者日本朋友聚會嘅話可能去食放題嘅火鍋店比較適合你，老闆話最近都有做緊88 折嘅優惠，價錢會叫做優惠一啲，但比我話，如果食就梗係食好啲啦！