Jaspas Restaurant (Closed)

西貢的確比人好chill嘅感覺，本來想坐出邊嘅露天位，但當日真係太大風，所以坐咗餐廳裏面。餐廳裏面都幾大，有好多位。Fajita上菜時仲係熱到sa sa聲，叫咗雞胸，一啲都唔會鞋，都幾嫩滑，配有四小塊墨西哥薄餅，墊喺下面嘅洋蔥好甜仲有少少黃椒紅椒，略嫌太少紅椒黃椒。可以自己慢慢包，鍾意包幾多配菜都得，又可以自己控制調味料嘅份量。薄餅嘅底超級薄，薄到非常脆，唯一好嘅係上面好多芝士同埋熱辣辣，所以點都會好味。呢個闊條麵比較淡，雞粒亦都非常鞋，調味可以加重少少，整體冇乜味道。呢碟非常辣，但意粉嘅軟硬度啱啱好，略嫌蒜香唔係好夠。整體價錢比較貴，應該唔會食第二次。