好茶養生 (MOKO新世紀廣場) (Closed)

桂圓紅棗茶，茶底清清地飲落去好清新，而且好足料可以見到入邊有杞子，桂圓，紅棗，杞子非常香甜，加埋紅棗同埋桂圓嘅香味，就算嗌咗無糖，都容易入口，咁就可以健康地養生。至於個桂花雪梨茶，茶底都係一樣好清新，可以見到有好多桂花，用料十足，仲有一大片雪梨，食得熱氣野多，用來清熱氣就最好啦。買完嘢飲，見到原來呢度仲有好多慕絲蛋糕，配合埋呢度嘅裝飾擺設，可以影到靚想，所以即刻就同朋友一樣揀咗一個嚟試吓。我哋兩個人，叫咗一個荔枝慕絲蛋糕同埋紅莓慕絲蛋糕。每份蛋糕會送埋一個小匙羹，咁就食得方便啲，好貼心。荔枝慕絲蛋糕，係用一個心心嘅造型，打卡一流。出邊嗰層朱古力脆皮好薄，有好香嘅荔枝味，入面嘅慕絲蛋糕慕絲非常密碼，蛋糕膏體夠鬆軟，而家開始熱，食呢一個清甜嘅例子慕絲蛋糕真係夠晒解熱。至於另一個紅莓味慕絲蛋糕，用咗一個螺旋cream狀嘅設計，紅莓味超出，入面嘅蛋糕中間夾住一個紅莓啫喱，同埋有個威化餅餅底，餅底唔會太晏，另外要讚一讚佢呢度嘅慕絲，mousse好滑，加上呢個紅莓味，味道好清新，酸酸地好開胃，份量唔會太多，做下午茶啱啱好，配埋個茶，解膩一流。