一期一會· 尋味 (Closed)

外賣app度見到有呢間外賣便當餐廳，想食牛肉飯，所以就嗌咗嚟試。打開見到個外賣都算靚靚仔仔，份量嚟講飯好多，但牛肉較少，如果要用牛肉送哂啲飯係無乜可能... 牛肉嘅味道就係好正常嘅日式牛肉飯嘅味道，洋蔥都幾冧幾入味，係份量真係太少，同埋汁嘅份量都好少，雖然啲牛肉夠濕潤，但係想要多啲汁送飯就冇。飯上面加咗少少飯素，但係個人覺得太少，本身飯同餸嘅比例已經唔啱，連飯素都咁少，最後我食淨咗一半白飯。其實味道係ok，但係份量方面有待改進，可能轉其他外賣盒會好啲。