翡翠拉麵小籠包 (Closed)

呢幾日比部 #手機 搞到頭都痛埋😮‍💨 見手上仲有啲 #HarbourCity dining coupon喺度，一於唔好嘥，乘機請半日假走去 Pixar Fest #打卡 之餘，再食埋個late lunch先去下一站😬陪住大家成長嘅 #Pixar動畫人物 果然有佢嘅賣點，估唔到星期五嘅下晝已經吸引咗唔少人嚟潮拜，我哋只好快閃影幾幅相就去搵食🤤 因為當時已經三點有多，我個肚已經餓到打晒鼓，就近近地揀咗前面嘅 #翡翠拉麵小籠包。入嚟之前，仲諗住可以食到佢哋拿手嘅 #百葉紅燒肉，點知睇勻成個餐牌都冇咗呢個餸👉🏻👈🏻 只好退而求其次，點咗個 #嫩雞煨麵、#糖醋魚柳 做我哋嘅午餐😉 眼見仲遲過我哋入嚟嗰位哥哥已經食飽埋單，但係我哋啲食物一直未見影😅 …可能係太肚餓，心情特別期待😆 前後大概等咗半個鐘，終於有嘢食🤤 不過唔知點解 #傳菜姐姐 硬係要將啲食物放到半呎咁遠，唔知仲以為自己呢餐去咗大排檔😅 食物味道都算唔錯， 煨麵個湯底夠晒熱辣辣，麵條索哂啲湯汁好鮮味🤤 #糖醋魚柳 更係令我喜出望外，魚塊夠厚身，個 #醬汁 甜甜酸酸好開胃🤤 最後再配埋杯 #凍豆漿… 確係唔錯😉