Cocolo Tokyo Cake Factory (利東街)

Open Now

Now Closed

經過咁多次，今日終於有機會試。佢款式選擇幾多，而且仲有咖啡飲。佢有加配優惠其實真係好抵，但今次我唔係糖食所以就冇揀啦。講到最出名就一定係蘋果批。今次當然係必試。見佢啲蛋糕都好吸引，忍唔住嗌多件。另外仲見佢有日本懷舊波子汽水添！雖然舖頭細細，但其實都有堂食。不過今日我就揀左take away。佢嘅蘋果批，分量十足，味道唔會太甜，而且可能係啱啱出爐，所以更加覺得好食。陣陣嘅蘋果香氣，好似去咗日本嘅清心咁樣。感覺好正！本身唔好食蘋果批嘅我都覺得好喜歡，連朋友都話好驚喜。有別於一般嘅蘋果批，唔會得個甜字，餡同酥皮嘅比例剛好。榛子莫卡蛋糕，味道好濃，size 剛好，唔會有too much 嘅感覺。下次有機會一定要再試過其他蛋糕同埋要再食一個蘋果批！