文樂園 (Closed)

好想食點心，咁啱又經過何文田，所以就來成日都聽嘅文華園。唔知係咪天氣熱，阿E既心情都有點不耐煩，先來一句，你咩事啊~來招呼客人😅我當然擇佢出名嘅花膠灌湯餃啦，再點多一款我想試嘅柚子蛋散及我最鍾意嘅芒果布甸。但因為地方有限，所以我買返屋企食，等既時候都好快，呢頭叫完就有得拎👍我外賣但竟然都冇走樣。先講灌湯餃，佢唔單止有好大既碗裝住，個碗入面仲有個錫紙兜，所以返到屋企隻灌湯餃都仲好靚仔，冇撞到散晒。味道方面，湯十分清甜，餃皮亦適中，唔會太薄，一下就散，亦唔覺得太厚，食到成口粉咁。餡料方面，味道十分夠，亦唔覺得好重味精味，食完唔會好口渴，但係餡料有d散，口感差d。之後我打開蛋散一睇，有D喜出望外。同酒樓食既蛋散係外層佈滿蜜糖，但佢地既係放D柚子蜜係一邊，比你自己決定要幾甜就點幾多，而且因為冇蜜糖既外層，食落口十分酥脆，而且用柚子蜜亦十分聰明，甜中帶小小柚子既香味，唔會太甜，做到平衡。最後食甜品，芒果布甸。以價錢來講，有D細，食兩啖就食完，但味道就一流，食落唔似平時死實實既布甸口感，入口順滑，而且有楊枝甘露既感覺同味道。食物方面，性價比高，以呢個價格做出來相對超班，只係芒果布甸有點小，但灌湯餃