潮洲滷 (Closed)

每次去灣仔做嘢都會特登去呢間老字號嘅滷水店買啲外賣返屋企比屋企人食，因為屋企人好鍾意食呢間 潮洲滷 地址位於灣仔石水渠街1-13號其發大廈地下佢呢度地方唔算大，所以就冇堂食，不過做外賣都做到排晒隊，因為除咗價錢公道，味道仲係做得非常出色，食物選擇又多，有滷水鵝，鴨，雞翼，鵝掌，豬大腸，豬手,豬耳，每一樣我都鍾意食而且之前食過每一樣都做得好出色入到舖頭姐姐好有禮貌問我想食咩，我見到好多樣嘢都想食，但係今晚得我同媽咪兩個人食，所以就揀咗媽咪最鍾意食嘅滷水鵝，師傅兩三下手勢就將滷水鵝切到大細適中，都唔使1分鐘就搞掂，勁當然外賣跟埋滷水汁同埋醋，師傅提醒唔好直接淋落啲鵝到，要另外攞個碗仔裝住，因為直接淋落D鵝到，醋會搶晒個滷水味，大家切記。返到屋企一打開就聞到好香嘅滷水味，滷水鵝做到非常之入味，鵝肉好嫩滑肥瘦適中，完全吸收晒啲滷水汁，絕對唔會太咸，因為平時喺街食嗰啲滷水汁係好鹹，佢個汁調校得啱啱好，令到個滷水鵝個味道更加突出，口感又好。阿媽食到舔舔脷一大碟滷水鵝俾我同阿媽兩個人食晒，細佬一定好後悔今日唔返嚟食飯豬耳做到好爽口，鍾意飲啤酒嘅人最啱食，滷水鵝腸口感爽口味道又香又甜每一條都非常新鮮用