Superhooman (Closed)

2021.12.31放工後同老公去我想食既餐廳食2021年最後既晚餐，但失望而回。南瓜菠菜藜麥意大利飯略嫌鹹左少少，南瓜味唔出，餐牌寫菠菜，但我食唔出係菠菜，我只係覺得係我唔鍾意食既菜。松露白蘑菇意大利飯我覺得幾鹹下，重口味人士會好岩，兩碟份量都好少，唔夠飽。鬆軟小班戟配開心果雪糕Pancake唔算鬆軟，有啲乾，開心果雪糕溶得好快，味道有少少苦苦地，唔好食，亦都係細份既。叫左兩杯Cocktails: Gold Fashioned & Chocolate Vieux Carre，今日第二杯有半價。兩杯都算易入口，比起食物出色。