俺流塩らーめん (大埔超級城) (Closed)

最近同友人黎到大埔超級城一田shopping完想食拉麵，行行下發現依間拉麵店就試下，我地叫左豚肉盛合拉麵，真心好足料淨係肉方面已經有幾片豚肉片，兩塊叉燒同一個豚角煮厚身叉燒，另外仲有隻糖心蛋，湯底系好濃的豬骨湯，可以一試另外一碗系味噌湯底，味道夠濃郁，都有隻糖心蛋同叉燒，兩碗麵質都系選擇普通，口感唔錯小食叫左大阪燒餃子，大阪燒嘅醬淋上餃子上面，餃子細細隻皮薄，但餡較為少，食落口感差少少，整體都性價比高，雖然一定冇日本果d咁好味，但都已經算唔錯，平平地真係可以試下