李香園茶餐廳

Open Now

Now Closed

舊式茶餐廳朋友係柴灣返工，佢話柴灣興華（二）邨有間幾好食既餐廳，想帶我去試下，但一定要佢帶我去先識去。餐廳係坐落係興華（二）邨15樓平台，要去到平台一定要搭lift，上到平台後一出lift 轉左再直行再轉右行幾步就到餐廳了。朋友真係冇講錯，如果比我自己去我一定唔識去囉。好彩有佢帶路!一入餐廳，成個感覺係舊式70年代茶餐廳，分佐左面同右面既位，中間有啲圓枱。咁岩我地入去既時候，廚師就係廚房出面坐緊，佢同我地介紹有咩野食，餐廳有常餐同午餐，午餐係每日唔同既，有兩款可以選。今日既午餐就係豬排炒公仔麵同埋雞排腸仔意大利粉。我選佐雞排腸仔意大利粉。原來餐廳係即叫即炒既。等佐大約十分鐘，我碟意粉終於黎到了。賣相絕對唔輸比普通既茶餐廳，好紅噹噹，好明顯係用佐茄汁黎整既。一食落去果然同我諗既一樣，成碟意粉係用茄汁炒既，呢個亦都係呢碟意大利粉既賣點。酸酸甜甜既味，食起黎特別開胃。至於雞排，啲肉都幾林。雞排同埋腸仔既分量亦都好夠，食完基本一定飽肚。最後我想講既係成碟意粉好明顯食得出係有鑊氣既，我估廚師係用生鐵鑊黎炒既。😊杯凍檸檬茶同出面既一致差唔多味道，正正常常，冇咩特別。鐘意懷舊風既餐廳一定要黎光顧下，