Stay With Cafe (Moved) New Location

Stay with 呢度的環境十分之唔錯, 附近好多花花草草，放貓放狗都十分之perfect，而且附近全部商場都係pet friendly，如果行得太熱都可以帶狗狗入去嘆冷氣。stay with嘅員工對狗狗都非常之友善，應該大部分自己都有養狗，好識得同唔同性格嘅狗狗玩耍，而且客人大部分都有帶開狗，所以就算我帶隻大狗入去都唔會覺得老尷。溫泉蛋黑松露忌廉雜菌意粉：黑松露都幾香，不過個意粉就稍為偏淡，可以鹹返少少就更好。雞扒漢堡：都好足料，同埋有好多蔬菜，感覺係幾健康嘅選擇。呢度嘅嘢食唔算話十分之出色，但係係一個同寵物好好消磨時間嘅好地方，主要嘆下嘢飲同埋嘆下個環境。