目利きの銀次 (Closed)

年初一要走訪三個地方拜年，中間有時間食個開年飯，偶然地試了這間日式餐廳。裝潢充滿居酒屋味道，不過燈飾更加漂亮。我叫了刺身定食$138，芝麻醬沙律很新鮮有誠意，豆芽菜微辣很開胃，麵豉湯內有卷狀麵筋，增加咬口。刺身有吞拿魚蓉、赤身、大拖羅、油甘魚、三文魚和蝦。其中吞拿魚蓉最出色，加入芝麻和香蔥，適合送飯。大拖羅油脂分佈均勻，香味四溢。其他刺身就較為失色，尤其油甘魚感覺不太新鮮，食到雪藏味。但以呢個價錢黎講我覺得性價比算不錯。老公要了燒魚定食，好大塊魚！味道不錯但多骨，唔想挑骨的朋友就唔好叫了。隨午餐附送咖啡或茶，我們叫了凍檸檬茶走甜少冰，意外地真的獲得一杯沒有冰的檸檬茶！這裡想讚一下水吧，因為很多餐廳都不能選擇走冰。另外台面有麥茶可以自己添，唔怕口渴😂整體上性價比高，食物味道不錯，服務也很好。路經屯門的話可能會再來。