Video
Read full review
2023-02-18
45 views
對呢間咁有 fushion 意味嘅 pizza 餐廳我一直都有留意，甚麼薑蓉腐乳叉燒余均益竟然可以融入西式嘅酒吧餐桌之上實在令人躍躍欲試，今日喺新居附近覓食，係你喇，上嚟啦。餐廳嘅氛圍好有離港 feel，加上現場音響，氣氛相當唔錯。我地擇咗個二人餐，只係238 就有一沙律兩小食一 pizza 或 pasta 仲有兩杯啤酒，真心非常抵食。餐廳有好幾款時令嘅手工 tap beer，全部寫哂喺吧枱上嘅呢面鏡板度，我揀咗 Heroes CITRINE & EMBARRASSADOR YUZU SOUR IPA，一入口係撲鼻嘅柚子香氣，跟住係溫和嘅芒果同桃味嘅啤酒花香，同絲絨般順滑嘅清爽酒體互相平衡。另一杯就揀咗 Young master ink stout，充滿麥芽烘烤嘅香味，加上來自可可豆嘅完美香氣，Perfect 池。腐乳汁凱撒沙律，呢個沙律真係 fushion 到極致，經典嘅凱撒沙律汁加上腐乳之後味道令人驚喜，最啜核係平時凱撒沙律上面嘅煙肉碎，廚師竟然用咗叉燒去取代，中西合璧得嚟完全沒有違和感。招牌肉丸，肉圓口感紮實，面頭有炸香咗嘅紫蘇葉同埋海量嘅 Mozzarella cheese，同
對呢間咁有 fushion 意味嘅 pizza 餐廳我一直都有留意，甚麼薑蓉腐乳叉燒余均益竟然可以融入西式嘅酒吧餐桌之上實在令人躍躍欲試，今日喺新居附近覓食，係你喇，上嚟啦。
餐廳嘅氛圍好有離港 feel，加上現場音響，氣氛相當唔錯。
我地擇咗個二人餐，只係238 就有一沙律兩小食一 pizza 或 pasta 仲有兩杯啤酒，真心非常抵食。
餐廳有好幾款時令嘅手工 tap beer，全部寫哂喺吧枱上嘅呢面鏡板度，我揀咗 Heroes CITRINE & EMBARRASSADOR YUZU SOUR IPA，一入口係撲鼻嘅柚子香氣，跟住係溫和嘅芒果同桃味嘅啤酒花香，同絲絨般順滑嘅清爽酒體互相平衡。另一杯就揀咗 Young master ink stout，充滿麥芽烘烤嘅香味，加上來自可可豆嘅完美香氣，Perfect 池。
腐乳汁凱撒沙律，呢個沙律真係 fushion 到極致，經典嘅凱撒沙律汁加上腐乳之後味道令人驚喜，最啜核係平時凱撒沙律上面嘅煙肉碎，廚師竟然用咗叉燒去取代，中西合璧得嚟完全沒有違和感。
招牌肉丸，肉圓口感紮實，面頭有炸香咗嘅紫蘇葉同埋海量嘅 Mozzarella cheese，同底下個肉醬味道好夾。
威士忌燒烤炸雞翼，雞肉嫩滑，難得面頭淋上咗個燒烤汁之後外皮依然相當香脆，經典嘅美式燒烤汁帶啲威士忌嘅餘韻相當特別，隔離嗰個薑蓉沙律醬簡直係神來之筆，用佢嚟點西芹整體感覺相當過癮。
香腸蘑菇薄餅，材料有意式茴香肉腸、炒磨菇、蕃茄同埋用上咗 Fontina 同 Mozzarella 兩種芝士，味道夠哂豐富，個 handmade Sourdough pizza 嘅香度同煙韌度真係唔講得笑，加上大烤爐烤出嚟的確份外香脆，連平時將個餅皮邊質哂俾我食嘅胖侶都照單全收，滿足。
Post
