塚田食堂

Open Now

Now Closed

對上一次食琢田食堂係上年十一月既時候，當時食美人鍋，今次食下定食先！琢田食堂座位非常多，更難得既地方係好多容納4至6人既大枱。自助沙律飲品吧只要$20，飲品多達八款，美人果茶幾清甜，蜂蜜綠茶味道唔會話好甜。沙律材料款式唔算話好多，但最基本款式都有，包括粟米、沙律菜、蕃茄等等。- 滑蛋鰻魚定食鰻魚幾新鮮，肉質充滿彈性，炒蛋吸收晒醬汁精華變得嫩滑多汁，味道香甜，非常下飯，另外仲有三款配菜同味噌湯，非常豐富。- 豚肉味噌湯帶炸池魚定食豚肉味噌湯材料好豐富，入面有紅蘿蔔、白蘿蔔、金菇同豚肉，味道非常濃郁，豚肉好入味。炸池魚炸得金黃香脆，口感酥脆，入口甜美。配菜同樣有三款，包括醃青瓜、蒟蒻等等。以上兩道菜式都唔駛$100，非常抵食。