肉骨皇 (Closed)

大坑不嬲岀名多野食，今次專登搵一d小店去試下！所以係 openrice揀左呢一間泰國野！未入到去就有個好熱情既waitress去介紹，叫我地入去食。因為預先book左位，所以睇睇個menu就入去。*個waitress係好熱情同helpful，但係尤其係成間餐廳得我地，感覺有點過份熱情，令到我地有少少做咩、講咩都會想加入我哋既話題，不過唔係唔好！只係會有啲壓迫感，個人覺得。講番野食先，我地都想試下岀名既名菜肉骨茶係好唔錯！好濃既藥膳湯底，$128來講都算多料，有腐竹豆卜，同埋都真係好多舊肉，所以特色菜係值得叫下！之後就叫咗個海鮮喇沙，睇上面張圖都見到好濃味，同埋海鮮都幾多，有青口，蜆，蝦，魚片，雖然係貴啲，但我覺得都算值得，推薦最後嗌多咗個小食，串燒，有雞有牛有豬，不過份量實在太少，亦都唔係燒得特別好食，嗰醬比較出色d，但係個主角即係啲串燒就真係一般。整體嚟講，我覺得呢間餐廳嘅嘢食係唔錯，大家鍾意泰國野，都可以試吓。