喰楽

Open Now

Now Closed

疫情完結，去完日本一轉，食完壽喜燒之後返到香港心思思想再食，竟然俾我搵到隱世喺觀塘工廈嘅壽喜燒舖頭。呢個鋪餐廳係位於駱駝漆3期，一啲都唔難搵之餘，當你一入到去間舖頭度，係濃濃嘅壽喜燒味撲向你度。好彩我哋有book位，因為間餐廳整體上得四張枱可以做生意，每張枱有四個位置，容納唔算多，但起碼可以多啲同職員溝通。我同老公揀咗和牛盛宴，大概六至七個部位左右，每一道菜職員都會喺你哋面前幫你煮，第一度肉，係和牛嘅肩胛位，一食落口，簡直震驚咗我嘅神經，呢個位置本身好淋口，仲有入口即溶嘅感覺，香濃既味肉充斥住我成個口腔，配埋蘭王蛋滑上加滑。之後呢每一塊肉職員煮之前都會好細心咁樣介紹個部位同埋佢個質感，邊個位油脂重啲，邊個位肉質彈口啲，職員都清楚了解，非常專業。而每塊肉都會唱一個素菜去煮，分別有豆腐，冬菇，京蔥洋蔥等等，全部都係可以吸晒壽喜燒醬汁嚟食。當我以為得六，七塊牛應該唔夠飽嘅時候，原來食到第七塊都已經非常之滿足，最後職員仲有一個壽喜燒牛肉炊飯，初時我擔心個飯應該會好鹹，但完全唔係，蛋同壽喜燒汁包住白飯，將個飽腹感再一提升，最後有埋綠茶雪糕作結，簡直將呢一餐畫上圓滿嘅。