Video
Read full review
2023-08-15
1144 views
今年Restaurant Week(25/7 - 27/8)又嚟啦，用平價食到高質food，機會難得當然唔會錯過啦！今次去咗呢間薄有名氣嘅西班牙餐廳，個人覺得中午嚟最抵食，而喺Restaurant Week期間更設有特定午膳套餐，可以加錢揀鎮店之選juicy龍蝦飯，成個餐有埋tapas前菜、甜品，兩人落樓都係$700，比起平時一個龍蝦飯都$590，真係抵食好多㗎~~前菜 - 1️⃣麵包麵包外皮偏硬難咬開，唔算好出色👀比較特別係個蒜味蛋黃醬，蒜蓉味幾香，頗開胃，令平平無奇嘅麵包成功升格🤣2️⃣Tuna Tartare 呢個吞拿魚他他size有拳頭咁大，配有3塊細多士，同平時有四個迷你脆餅裝住嘅版本唔同，但兩款都係面頭鋪上吞拿魚，下面用牛油果醬墊底。呢道前菜比平時略為失色，除咗冇落蟹子，估計因為原個上，要客人自行夾吞拿魚、牛油果同多士嚟食，容易令比例失衡。小妹今次就唔係好食到牛油果提鮮嘅味道，少少失望；吞拿魚雖然唔腥，但偏淋同難咬開，口感一般。3️⃣Octopus Croquettes (+$48) 炸到金黃色嘅章魚小丸子，有木魚鋪頂，配上Takoyaki醬，充滿fusion感。一口咬落去，外層酥脆，
前菜 -
1️⃣麵包
麵包外皮偏硬難咬開，唔算好出色👀比較特別係個蒜味蛋黃醬，蒜蓉味幾香，頗開胃，令平平無奇嘅麵包成功升格🤣
Bread
12 views
1 likes
0 comments
呢個吞拿魚他他size有拳頭咁大，配有3塊細多士，同平時有四個迷你脆餅裝住嘅版本唔同，但兩款都係面頭鋪上吞拿魚，下面用牛油果醬墊底。呢道前菜比平時略為失色，除咗冇落蟹子，估計因為原個上，要客人自行夾吞拿魚、牛油果同多士嚟食，容易令比例失衡。小妹今次就唔係好食到牛油果提鮮嘅味道，少少失望；吞拿魚雖然唔腥，但偏淋同難咬開，口感一般。
Tuna Tartare
20 views
0 likes
0 comments
炸到金黃色嘅章魚小丸子，有木魚鋪頂，配上Takoyaki醬，充滿fusion感。一口咬落去，外層酥脆，內層嘅章魚肉質算彈牙，都唔算厚粉，表現尚可。
Octopus Croquettes
22 views
0 likes
0 comments
4️⃣Juicy Lobster Rice (+98pp)
✨✨終於到心心念念嘅主角出場了！足料大份嘅龍蝦飯，一上枱就聞到濃濃香味，龍蝦十分大隻，厚肉彈牙好多膏，飯同汁完美融合，每啖都吸曬龍蝦汁精華，質地亦調得剛好，唔係杰撻撻，令飯芯保持到微硬口感！一啖食完又一啖，幾飽都要食哂佢！記住，一定要至少兩人先KO到佢🤭
Juicy Lobster Rice
25 views
0 likes
0 comments
5️⃣Crema Catalana
加泰羅尼亞焦糖奶凍，有一層薄脆焦糖蓋頂，下面係奶製布丁。Crema Catalana係由牛奶製成，之後加入粟粉同雞蛋；同法式Creme Brulee唔同，後者則用濃濃忌廉同雞蛋製成。呢個Crema Catalana 雞蛋味香濃，奶凍口感涼涼哋，幾順口。
Crema Catalana
13 views
0 likes
0 comments
巴斯克焦香芝士蛋糕🍰，外層有深焦色嘅焦黑痕跡，內裡質地柔軟而濕潤，偏軟滑，味道唔會過於甜膩，都算幾好。
Burnt Basque Cheese Cake
17 views
0 likes
0 comments
📍裝修有異國風情，幾好打卡
📍服務唔錯，侍應主動招呼清枱
✍️評分
味道：8.5/10
環境：8.5/10
服務：9/10
打卡值：9/10
抵食：8/10
Post
