品穀

Open Now

Now Closed

呢間店都已經開咗一段時間，咁岩經過就諗住買兩件cake送咖啡啦，揀咗兩個口味試。伯爵牛奶朱古力 $48頂部係朱古力鏡面加牛奶朱古力慕絲內餡、伯爵茶軟蛋糕包住伯爵茶甘納許、底係伯爵茶達克瓦茲。甜度適中，食得出伯爵茶味，朱古力同伯爵茶都幾夾。抹茶歌劇院 $50最上抹茶馬卡龍、抹茶朱古力、中間間住抹茶甘納許＋抹茶軟蛋糕＋抹茶慕絲、底係牛奶朱古力脆脆同抹茶達克瓦茲。抹茶好濃，但就偏甜，如果可以減少少甜度就好，咁可以再突出抹茶本身嘅回甘。